Strateji Obyektlərin Mühafizəsi Dövlət Agentliyinin hərbi qulluqçularının fiziki dözümlüyünün, çevikliyinin və gücünün artırılması, psixoloji dayanıqlıq, komanda ruhunun və kollektiv fəaliyyət bacarıqlarının möhkəmləndirilməsi istiqamətində tədbirlər davam etdirilir.
Bu məqsədlə Agentliyin regional idarələrində təşkil olunan idman yarışlarında ümumilikdə 216 nəfər hərbi qulluqçu iştirak edib. Yarışlar çərçivəsində iştirakçılar 100 və 1000 metr məsafələrə qaçış, turnikdə dartınma, paralel qollarda hərəkətlər və maneələr zolağının dəf edilməsi üzrə öz fiziki hazırlıq səviyyələrini nümayiş etdiriblər.
Yarışlarda uğur qazanmış hərbi qulluqçulara diplom və medallar təqdim olunub.